se so' scurdate 'e napule
di Ciro Festosi e Nazario Bruno
Mo' ca tutto se cagna
e nisciuno va chiano
se so scurdate e Napule
pure 'e napulitane,
stanno chin'e pensiere
teneno sempe cche ffà,
correno 'e furastiere,
corre chi è 'e sta Città.
E 'sta luna luntana,
chistu mare d'argiento
manco pe' 'nu mumento,
se fermano a gguardà.
Se so' scurdate 'e Te,
Napule mia,
se so scurdate e te,
che malinconia.
Orch.
'Na parola d'ammore,
'nu suspiro 'nu vaso,
so' corde ca nun sonano,
è musica 'e 'na vota
je nun saccio si è overo,
si so' suonne o realtà,
ma diceno ca 'o munno
troppo nun po' durà.
E' sta luna luntana,
chistu mare d'argiento,
acora 'nu mumento
me fermo a' 'mmè guardà.
se so scurdate 'e Te,
Napule mia,
se so' scurdate 'e Te,
che malinconia. . ..