All rights reserved 
(Luciano Somma 
.
So' millanne che cirche 
'a carezza 'e na favola antica
Tutt''e notte t''a suonne 
penzanno dimane chisa'
Pe' sti figli vulisse 
cu 'a pace  nu poco 'e fatica
Ma 'o juorno che sponta sempe 
'a stessa risposta te da'.
Pe' sti vvie mo se sentono 
sulo l'allucche 'e sirene
Quanta ggente ca soffre 
e che chiagne spianno pecche'.
Tu si comme a na palomma senza scelle
Ca pe' ll'aria se ne va
Vaje carenno , po' t'aize , care ancora ,
Ma nun cirche 'a carita''
Tiene 'o cielo , tiene 'o sole , tiene 'o mare
Ma a ricchezza chi t''a da'
Preputente vola ancora na canzone
Ca nun dice 'a verita' .
Chesta si tu , si Napule
Reggina d''e citta'
Tu pare nu miracolo
Ma si' semplicita'
Chesta si tu ,si Napule ,
'o munno faje parla' .
Tu si comme a na preghiera doce doce
Staje cercanno 'e te salva'
Vuo' certezza , sicurezza , vuo' na voce ,
ch'arrivasse fino a cca'
cu''a speranza 'e nu dimane chien''e core
pero' l'anema addo sta
Tu si comme a na palomma senza scelle
Ca pe' ll'aria se ne va
Vaje carenno , po' t'aize , care ancora ,
Ma nun cirche 'a carita'
Tiene 'o cielo , tiene 'o sole , tiene 'o mare
Ma a ricchezza chi t''a da'
Preputente vola ancora na canzone
Ca nun dice 'a verita' .
Chesta si tu , si Napule
Reggina d''e citta'
Tu pare nu miracolo
Ma si' semplicita'
Chesta si tu ,si Napule ,
'o munno faje parla' .
Tu si comme a na preghiera doce doce
Staje cercanno 'e te salva'
Vuo' certezza , sicurezza , vuo' na voce ,
ch'arrivasse fino a cca'
cu''a speranza 'e nu dimane chien''e core
pero' l'anema addo' sta
staje cantanno a tutte quante na canzone
ca nisciuno vo' canta' .
[]lug07