All rights reserved



Mamma te chiamma serpe tentatore
e 'mpietto mm'ha cusuto na figura...
Ll'avría sapé ca giá mm'ha fatto 'ammore,
femmena 'e munno...e só' na criatura...
Ah, ll'ammore che fa fá!
Ma ll'ammore è na bannèra,
na bannèra ch'è liggera,
cagna 'o viento e 'a fa vutà
Tanto che ce abbracciajemo e comme fuje
ch''a figurella 'a pietto se stracciaje
Cercammo scusa a mamma tutt'e duje
ca na jastemma 'e mamma coglie assaje
Ah, ll'ammore che fa fá!
Ma ll'ammore è na bannèra,
na bannèra ch'è liggera,
cagna 'o viento e 'a fa vutà
Só' ghiuto ascianno n'erba avvelenata
mme voglio avvelená si tu mme lasse
Tu avisse la nutizia pe' la strada,
currisse a casa...e morta mme truvasse...
Ah, ll'ammore che fa fá!
Ma ll'ammore è na bannèra,
na bannèra ch'è liggera,
cagna 'o viento e 'a fa vutà