All rights reserved 
cinematografo   (m.merola)
syncro:Luca Anastasia

'ncopp''o cartiello steva: 
"ammore tragico"
e na figura 'e femmena 
scannata.
s'erano fatte na ventina 
'e repliche,
ma 'a sala steva gia' 
tutta affullata.
e ghiette i'pure 
a stu cinematografo.
comme se dice pe' fatalita'
d''a primma parte,i'subito
dicette: "ma st'autore,
comm'ha pututo scrivere
chello ca porto 
'nchiuso dint''o core
"guarda stu primmo attore
ca ride si vo' chiagnere...
dicette uno d''o pubblico
ca mme sapeva 
arrassumiglia a te
       ( p a u s a )
"pecche' ce tuorne 
a stu cinematografo
o vuo' sape' pecche' 
mme piace assaje
"e che lavoro 
fanno"ammore tragico...
"te piace tanto 
e nun mme puorte maje
"nun ce veni 
ca e' meglio assaje..
no, portame
e che facette pe' veni cu me
"donna, ti posso chiedere
conto del nostro onore
essa liggette, pallida,
e,lla pe'lla',
tenette mente a me!
"ascimmunce'nne fore
ascimmunce'nne subito
io lle dicette: asse'ttate,
ch''a terza parte 
e' bella e ll'hi 'a vede'
        ( p a u s a )
"ll'ommo mm'arrassumiglia 
e chella femmena
fa comme faje tu a me...
tie'nela mente
essa dicette: zitto, 
ca te sentono
pe' chi mme faje piglia' 
'nnanz'a 'sta gente
po','ncopp''o schermo, 
ascette scritto: uccidila
e 'a mana mia 
s'armaje senza vule'...
primma 'e se fa' chill'ultimo
quadro scritto 'a ll'autore,
duje colpe se sentettero...
duje colpe vere, 
'int'a ll'oscurita'...
"luce..ca 'o primmo attore
sta cca, sta 'mmiez'
o' pubblico
pubblico, applauditeme:
ll'ultimo quadro, 
ll'aggio fatto i' cca...