All  re
All rights reserved 
'Sta funtanella
ca mena 'a tantu tiempo ll'acqua chiara
ha fatto 'a cchiu' 'e nu seculo 'a
cummara
piccerenella
venette 'a nonna a bevere e ce steva
nu figliulillo all'ombra che 'a vedeva
E all'ombra tutt'e duje
accumminciajeno a se parla' cu 'o
"vvuje
po' ognuno 'e lloro se parlaje cu
'o "ttu"
E sempe cumpiacente
sti ffronne allegramente
facevano ciu' ciu'
Po' ce venette
pur'io na vota ca stevo arzo 'e sete
e ca cercavo 'e vvie fresche e cujete
E te vedette
e t'accustaste e mm'accustaje pur'io
e 'o core tujo cercava 'o core mio
Venettemo 'a doje strate
e pe' una ce sperdettemo abbracciate
pe' ce vasa' pe' nun ce lassa' cchiu'
E sempe cumpiacente
sti ffronne allegramente
facevano ciu' ciu'
Quant'ate appriesso
doppo tante e tant'anne venarranno?
quant'ata matremmonie se farranno?
Mo fanno 'o stesso
quase tutt''e ffigliole 'e stu paese
e 'a sprucete ca so' po' so' curtese
E spicialmente 'a 'state
aspettano 'e figliule 'nnammurate
e 'sta funtana attacca 'a giuventu'!
E sempe cumpiacente
sti ffronne allegramente
farranno stu ciu' ciu.