All rights reserved

Mo nun so' cchiu' Cuncetta,
ma so' Lili' Kangy,
sciantosa prediletta,
avite voglia 'e di'!
Quanno me ributtaie,
e chi v'o po' cunta'?
'A gente me menaie
mazzette 'nquantita'.

Chi me piglia pe' francesa,
chi me piglia pe' spagnola:
ma so' nata 'o Conte 'e Mola,
metto 'a coppa a chi vogl'i'!
Chi me piglia pe' francesa,
chi me piglia pe' spagnola:
ma so' nata 'o Conte 'e Mola,
metto 'a coppa a chi vogl'i'!

Caro Bebe',
che guarda a fa?
I' quanno veco a te
me sento disturba'.

Tre ssore piccerelle
veneno appriesso a me
 e fanno 'e stelletelle
pe' dint'a sti cafe'.
Ma i' songo 'a vera stella
d'ogne cafe' scianta';
sulo cu 'na resella
ve faccio cunzula'.

Chi me piglia pe' francesa,
chi me piglia pe' spagnola:
ma so' nata 'o Conte 'e Mola,
metto 'a coppa a chi vogl'i'!
Chi me piglia pe' francesa,
chi me piglia pe' spagnola:
ma so' nata 'o Conte 'e Mola,
metto 'a coppa a chi vogl'i'!

Caro Bebe',
che guarda a fa?
I' quanno veco a te
me sento disturba'.

'E vvote ncopp'o foglio
sento parla' 'e Lili';
io leggio, ma me mbroglio
che vuo' arriva' a capi'?
Ma chesto nun me mporta,
s'adda sape' abballa':
basta ch'a vesta e' corta,
tutto se po' aggiusta'!

Chi me piglia pe' francesa,
chi me piglia pe' spagnola:
ma so' nata 'o Conte 'e Mola,
metto 'a coppa a chi vogl'i'!
Chi me piglia pe' francesa,
chi me piglia pe' spagnola:
ma so' nata 'o Conte 'e Mola,
metto 'a coppa a chi vogl'i'!

Caro Bebe',
che guarda a fa?
I' quanno veco a te
me sento disturba'.

Caro Bebe',
che guarda a fa?
I' quanno veco a te
me sento disturba'.