Mia cara madre sta pe' trasì Natale e a stà luntano cchiù me sape amaro. Comme vurria appiccià duie tre biancale comme vurria sentì nu zampugnaro. A 'e ninne mie facitele 'o presepio e a tavola mettite 'o piatto mio, facite, comm 'a sera d''a vigilia comme si 'mmiezzo a vuie stesse pur'io. E nce ne costa e 'llacreme st'America a nuie napulitane Pé nuie ca nce chiangimmo 'o cielo 'e Napule comme è amaro stu 'ppane! Mia cara madre che ssò, che ssò 'e denare? Pe' chi se chiagne a patria nun so'niente mo tengo quacche dollaro, e me pare ca nun sò stato maie tanto pezzente! Me sonno tutte 'e notte 'a casa mia e d''e criature mie ne sento 'a voce ma a vuie ve suonno comm a 'na Maria cu 'e spade 'mpietto 'nant''o figlio 'ncroce. E nce ne costa e 'llacreme st'America a nuie napulitane Pé nuie ca nce chiangimmo 'o cielo 'e Napule comme è amaro stu 'ppane! M'avite scritto che Assuntulella chiamma chi l'ha lassata e sta luntana ancora. Che v'aggia di? Si 'e figlie vonno 'a mamma facitela turnà chella Signora. Io no nun torno. Me ne resto fore. E resto a faticà pe' tutte quante, io 'ch'aggio perso a patria, casa e onore, io 'so 'carne 'e macello io so' emigrante! E nce ne costa e 'llacreme st'America a nuie napulitane Pé nuie ca nce chiangimmo 'o cielo 'e Napule comme è amaro stu 'ppane! comme è amaro stu 'ppane!