Mio carissimo Pasquale - Giulietta Sacco Faccia senza culore, sei bugiardo e traditore... pe' chesto mm'hê lassato, 'nfamó'! Doppo ca mm'hê vasato, doppo ca t'hê arrubbato, 'e vase 'e chesta vócca... 'nfamó'! Pe' chesto, pe' dispietto, te manno stu biglietto ca mme ll'ha scritto, a mano, Don Saverio 'o sacrestano... sientatéllo, sié': "Mio carissimo Pasquale, (virgola e poi da capo,) t'hann''a spará, pe' scagno, sott'a n'albero 'e cutogne 'o mese 'e giugno... (punto e poi da capo...) t'aggi''a vení a purtá grillande 'e sciure pecché 'o core è sempe core... pure muorto te voglio amá! Pascá'... T'aggio cuntato 'o cunto... (Punto!)" Na sera, 'mmiez'ô ggrano, mme purtaste a mano a mano... e llá spuntaje 'a luna, 'nfamó'! Mo sponta 'a luna e 'o sole cu n'ati ddoje figliole... t''e ttruove a doje a doje 'nfamó'! Perciò te tengo 'nganna... pe' chesto mo te manno stu scritto indisponente... mo t''o leggo nu mumento, sientatéllo, sié': "Mio carissimo Pasquale, (virgola e poi da capo,) t'hann''a spará, pe' scagno, sott'a n'albero 'e cutogne 'o mese 'e giugno... (punto e poi da capo...) t'aggi''a vení a purtá grillande 'e sciure pecché 'o core è sempe core... pure muorto te voglio amá! Pascá'... T'aggio cuntato 'o cunto... (Punto!)" Nu juorno 'e primmavera, venette allero allero, e lle dicette: "Siente 'nfamó', si tu anduvine 'o posto addó tengo annascosta na rosa prelibata, t''a dó'..." E tu ll'anduvinaste e 'a rosa te pigliaste... ma adesso avrai per posta 'sta proposta tosta tosta, sientatélla, sié': "Mio carissimo Pasquale, (virgola e poi da capo,) t'hann''a spará, pe' scagno, sott'a n'albero 'e cutogne 'o mese 'e giugno... (punto e poi da capo...) t'aggi''a vení a purtá grillande 'e sciure pecché 'o core è sempe core... pure muorto te voglio amá! Pascá'... T'aggio cuntato 'o cunto... (Punto!)"