All rights reserved 
'o rammariello  
(L. & G. Cioffi)
sincro Silvano Izzo
Jeva vennenno 
casa pe' casa...
'o sapevano 
'a guagliunciello:
'o chiammavano 
'o rammariello...
E deva 'a voce: 
"Chi vo' fa' spese!?..."
E accattavano 
'e ffigliulelle
ca s'avevan''a mmareta'...
Vengo cuperte 'e raso
p''o lietto 'e sposa...
Pavate a tanto 'o mese,
facite spese! 
Deva 'a voce 
stu rammariello
ca penzava sulo a canta'...
Era ancora giuvinuttiello:
chella fine 
nun ll'av''a fa'!
E capitaje 
'ncopp'a na casa...
lla' ce steva 
na figliulella
ch'era 'o sole 
tant'era bella...
Isso dicette: 
"Si vuo' fa' spese,
cca' sta 'o core 
d''o rammariello...
teccatillo...
t''o puo' piglia'!"
Tengo 'a cuperta 'e raso
p''o lietto 'e sposa...
Mme piglio a tanto 'o mese
na bella casa...
Dint''o core 
d''o rammariello
gia' cantava 'a felicita'
gia' vedeva 
'sta nenna bella,
dint''a cchiesa, 
pe' ghi' a spusa'!...
Ma va' sapenno, 
'sta nenna bella,
ca dint'a ll'uocchie 
teneva 'o cielo
e teneva na vocca 
'e mele...
s'era scurdata 
'e nu 'nnammurato
ca, dint''o core 
teneva 'o ffele,
e giurava 'e se vendica'!
Vengo cuperte 'e raso
p''o lietto 'e sposa... 
S'arretirava a casa
'mbriaco 'e vase...
E cantava stu rammariello,
nun puteva maje 'mmaggina'
ca 'o curtiello 
d''a marennella
lle serveva pe' se salva'! 
Vengo cuperte 'e raso
p''o lietto 'e sposa... 
Mo cchiu' nun 
ll'hanno 'ntiso
casa pe' casa...
Chistu povero rammariello
ca penzava sulo a canta',
mo sta 'nchiuso 
dint''e ccancelle...
chella fine 
nun ll'ev''a fa'!
.