Pupatella - Angela Luce
Quanto ve prego, continuate!
chest'è 'a serata d''e ttarantelle...
State abballanno? E abballate,
ca nun mme 'mporta 'e niente
mo ca, 'mpruvvisamente,
só' asciuto a libertá!
(Pecché triemme? Nun hê 'a tremmá...
jammo abballa...nun fá abbedé)
e ride, ca si ride si' cchiù bella,
Pupatè'...
E abballa 'a tarantella
ca i' tengo mente a te!
Mm'hanno menato quatto palomme
ca só' arrivate dint''e ccancelle;
steva signato nu nomme:
'o nomme 'e chist'amico
ca vò' abballa cu tico
pe' fá nu sfreggio a me...
(Pecché triemme? Nun hê 'a tremmá...
jammo abballa...nun fá abbedé)
e ride, ca si ride si' cchiù bella,
Pupatè'...
E abballa 'a tarantella
ca i' tengo mente a te!
Dint''e ccancelle, cierti mumente,
sti mmane a morze mme só' magnáte!
I' nun capevo cchiù niente...
Dicevo: E comm'è stato
s'i' stóngo carcerato
p'essa? (Pe' te! Pe' te!)
(Viene, abballa, strígnete a me...
quanno abballe si' sempe tu...)
'O vi' ll'amico tujo ca sta tremmanno,
Pupatè'...
'O vede  ca i' te scanno
ma nun t'ajuta a te!
Ne tu triemme
ma che omme si?
Jesce e abballa
che guarda a ffa'
(Pecché triemme? Nun hê 'a tremmá...
jammo abballa...nun fá abbedé)
e ride, ca si ride si' cchiù bella,
Pupatè'...
E abballa 'a tarantella
ca i' fore aspetto a te!