Canciello 'e massaria, canciello
'nchiuso,
che catenaccio mamma nc'êva miso.
Sti ddoje zetelle, duje
cunfiette rosa,
sperévano pe' n'ommo e pe' nu
vaso.
E manco 'a bruna, 'a cchiù
maleziosa,
puteva ascì da 'a casa cu na
scusa.
E allora Ammore, ndrànghete,
na notte che te fa?
Cu na scalella d'oro,
'mbracci'â bruna se ne va.
"Nenné'", dicette 'a 'gnóra,
"che sóngo sti suspire?"
"E' 'o ventariello, oje mà',
ca smove 'e ffronne,
'a notte, 'int'a ll'està".
E 'a bruna addeventaje cchiù
ghianca e rossa
senza russetto 'nfaccia e
'mpont'ô musso.
Cu 'o core doce comm'a
ll'ananasso
se prufumava 'e ccarne 'e
spicaddossa.
E 'a sora picciava appriesso a
essa:
"Pecché sulo pe'mmé, nisciuno
passa?"
E allora Ammore, ndrànghete,
na notte che te fa?
Da n'albero 'e cerase,
'mbracci'â bionda se ne va.
"Nenné', ma chi se lagna,
pe' 'mmiez'a 'sta campagna?"
"E' 'a volpe, duorme oje mà',
che 'a pullanchella
è ghiuta a muzzecà".
Chiagnenno tutt'e doje
'mbracci'â cummara
tenevano 'e ffaccelle comm' 'a
cera.
Dicette 'a cummarella: "Oje né'
ve prore?
Jammo addu mamma aunite a sti
signure.
Cummá', né catenacce o mascature,
nce ponno pe' na femmena in
amore.
Si vò' filà, nu spruóccolo
ll'abbasta pe' filà,
si 'a 'nchiude 'int' 'a furtezza,
mette 'e scelle e se ne va.
Si 'nnanze vede 'o ffuoco,
si 'nnanze tene 'o mare
nu segno ca lle fa,
cu ll'uocchie 'nchiuse,
'mbracci'a 'ammore va.
Trasìte, picceré, sposa cu sposo,
vasate a mano a gnora
e tanta a sposa