Voce ca tutt''e ssere te ne vaje
chiammanno 'e figlie 'e mamma 'a
miez'â via...
Tu nun 'o ppuò capí che bene faje
si mme tiene nu poco cumpagnia...
Férmate pe' na vota sulamente
d''a voce 'e mamma famme
ricurdá...
Tutt''e mmamme s''e cchiammano
'e figlie 'a sera;
sultanto 'a voce 'e mamma
io nun 'a sento...
E conto tutt''e llacreme
chiagnute
'a quanno 'o bbene 'e mamma
aggio perduto...
St'uocchie mieje
stracque 'e chiagnere,
pe' 'mmiez'â via,
dint'a sti vvoce cercano
a mamma mia!
Mamma na vota sola mme chiammaje:
teneva 'a faccia d''a
malincunia...
Po' n'angiulillo 'ncielo s''a
purtaje...
e rimanette i' sulo 'mmiez'â via.
E quanno, 'a sera, chesti vvoce
sento,
'nnanz'a chist'uocchie mieje
veco a mammá...
E conto tutt''e llacreme
chiagnute
'a quanno 'o bbene 'e mamma
aggio perduto...
St'uocchie mieje
stracque 'e chiagnere,
pe' 'mmiez'â via,
dint'a sti vvoce cercano
a mamma mia
a mamma mia