comm'e' stretta 'sta via
a'ggente nun ce cape
se fa 'na processione
ca cammina chiano chiano
nun e' muorto nisciuno
nun e' 'o santo e nisciuno
nun se sente 'na voce e nun sona
'na campana
e intanto 'o core aspetta
ca s'arapene 'e funtane
e chiove n' capo 'e criature
vulesse arravuglia'
'sta luna
cu' na funa
pe m'e purta' luntano
pe m'a purta' luntano
addo' 'o cielo che e' cielo
nun se fa mai scuro
e chiove n' terra e nisciuno
vulesse cummanna'
pe spremmere 'e dulure
dinto a 'stu ciummo amaro
ca nun canosce 'o mare
pecche' 'o mare e' luntano eppure sta
vicino
comm'e' lunga 'sta via
pecche' nun spunta mai
se perde dint' 'e 'pprete
'miezzo  'e carte arravugliate
sotto 'a l'evera 'e muro
ca s'arrampeca e 'ggiura
'e jastemme de' juorne
e serate senza pane
e intanto 'o core aspetta
ca s'arapene 'e funtane
e chiove n' capo 'e criature
vulesse arravuglia' 'sta luna
cu' na funa
pe m'a purta' luntano
pe m'e purta' luntano
addo' 'o cielo che e' cielo
nun se fa mai scuro
e chiove n' terra e nisciuno
vulesse cummanna'
pe spremmere 'e dulure
dinto a 'stu ciummo amaro
ca nun canosce 'o mare
pecche' 'o mare e' luntano eppure sta
vicino
dinto a 'stu ciummo amaro
ca nun canosce 'o mare
pecche' 'o mare e' luntano eppure sta
vicino