Cielo e che nuvole stasera!...
pare ch''o munno se ne more...
ma na speranza pe' stu core
nun pò murí!
Nun ce vò' na luna chiena
pe' capí si mme vuó' bene...
mm'è abbastato 'o ppoco 'e luna
pe' te capí!...

Che mm'ha saputo fá stu quarto 'e luna...
che mm'ha saputo fá chi voglio bene...
E mme martella sempe nu penziero:
"Nun è overo
ca pienze sulo a me..."
Comme só' triste 'e nnote 'e 'sta canzone
e comm'è amaro 'o bbene 'e chi vò' bene...
Nun mme guardá!
si chiagno nun guardá!...

Che mm'ha saputo fá stu quarto 'e luna...

Che mm'ha saputo fá stu quarto 'e luna...
che mm'ha saputo fá chi voglio bene...
E mme martella sempe nu penziero:
"Nun è overo
ca pienze sulo a me..."
Comme só' triste 'e nnote 'e 'sta canzone
e comm'è amaro 'o bbene 'e chi vò' bene...
Nun mme guardá!
si chiagno nun guardá!...


Che mm'ha saputo fá stu quarto 'e luna... 
...................................................................